چەند زانایەکی گەردونناسی: قەبارەی خۆر ساڵانە کەمدەکات

قه‌باره‌ی خۆر به‌ره‌و كه‌م بوونه‌

چەند زانایەکی بواری گەردونناسی پێوانەی وردیان بۆ قەبارەی خۆر کرد و دەڵێن، بۆیان دەرکەوتووە کە بەشێوەیەکی پلە بەندی قەبارەی خۆر کەمدەکات.
بەپێی هەواڵێکی ماڵپەری ڕووسیا تودەی، زاناکان پێیان وایە، هۆکاری ئەو کەمبوونەوەیەی قەبارەی خۆر بەهۆی کاریگەری وزە و کارلێکە ناوەکییە گەرمییەکانی سەر ڕووی خۆرەوە ڕوودەدات.

هاوکات چاودێریکردنی ئەو کردارە بەهۆی هێواشی ڕوودانییەوە زۆر قورسە، ئەوەش نەبوونی ڕێگەیەکە، بۆ پێوانەکردنی قەبارەی خۆر.

سەرەرای ئەوەش زاناکان چارەسەرێکیان بۆ ئەو گرفتە دۆزییەوە لەڕێگەی بەکارهێنانی هەسارەی عەتارد، بەجۆرێک کە ئەگەر قەبارەی خۆر کەمبکاتەوە، ئەوا کاریگەریشی دەبێت لەسەر نزیکترین هەسارە لێیەوە.

لەم بارەیەوە تیمێکی تایبەتی ناسا بەسەرپەرشتی زانای گەردوونناسی ئەنتۆنیۆ جینۆڤا، ئەنجامی توێژینەوەکەیان لەم بارەیەوە لە گۆڤاری(Nature Communications)دا بڵاوکردەوە.

زاناکان لەمیانەی توێژینەوەکەیاندا پشتیان بە مانگی دەستکردی (مەسنجەر) بەست، کە ئەو مانگە دەستکردە، ماوەی پێنج ساڵە لە خولگەی عەتارد دا دەسوڕێتەوە.

دوای کۆکردنەوەی زانیاری سەبارەت بە گۆڕانی خولگەی عەتارد، زاناکان هەستان بە ئامادەکردنی (ژمارەیەک پێوانەی کۆمپیوتەری بیرکارییانەی تایبەت) کە تیایدا گۆڕانی خولگەیی مانگە دەستکردەکەی دەردەخست.

ئەو پێوانە تایبەتانە زاناکان دەریخست، کە نیوە تیرەی هێڵی ئاسۆیی خۆر لەگەڵ تێپەڕبوونی کات زیاد دەکات، بەڵام نیوەتیرەی جەمسەری بەستەڵەکی کەمدەکات، ئەوەش کاریگەری لەسەر گۆڕانی خولگەی عەتار بەبڕی چەند سانتیمەترێک بەشێوەیەکی ساڵانە.

  Ahmeed YK

!هیوادارم به‌ دڵتان بێت 

 :له‌گه‌ڵ ڕێزی به‌ڕێوبه‌ر

Ahmed YK (S.R.K2) Designer                                                                             به‌ڕێوبه‌ر