كۆتره‌كان چۆن ئه‌گه‌ڕێنه‌وه‌ زێدی خۆیان ؟

كۆتره‌كان چۆن ئه‌گه‌ڕێنه‌وه‌ زێدی خۆیان ؟

دیارترین شت له‌ سروشتدا ئه‌و توانا گه‌وره‌یه‌یه‌ ، كه‌ له‌ لای كۆتره‌كانه‌ ، كاتێك ماوه‌یه‌كی  زۆر ده‌بڕن و پاشان ئه‌گه‌ڕێنه‌وه‌ بۆ ئه‌و شوێنه‌ی لێیه‌وه‌ باڵیان گرتۆته‌وه‌ .

له‌به‌ر ئه‌و هۆیه‌ كۆتر پێش دوو هه‌زار 2000 ساڵ  ڕۆمانیه‌كان به‌كاریان هێناوه‌ بۆ نامه‌ گواستنه‌وه‌ .

له‌ سه‌ده‌ی دوانزه‌هه‌میشدا ، خه‌لیفه‌ی به‌غدادی كۆتری به‌كار هێناوه‌ بۆ گواستنه‌وه‌ی نامه‌ نهێنیه‌كانی ، له‌ جه‌نگی جیهانی دووه‌میشدا سوپاكان به‌كاریان هێناوه‌ بۆ گواستنه‌وه‌ی نامه‌ی نهێنی ، ته‌نانه‌ت له‌م ڕۆژگاره‌شدا سه‌ره‌ڕای بوونی هه‌موو هۆیه‌كی گواستنه‌وه‌ و گه‌یاندن ، سوپاكان تا ئێستاش كۆتر بۆ گواستنه‌وه‌ی نامه‌ی نهێنی به‌كار ئه‌هێنن .

زۆرێك له‌ خه‌ڵكیش كۆتر بۆ ڕازاندنه‌وه‌ی باخچه‌ و ماڵه‌كانیان و هه‌ندێكیش بۆ كات به‌سه‌ر بردن و خۆشی به‌كاری ئه‌هێنن .

_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_

 پرسیار لێره‌دا ئه‌وه‌یه‌ چۆن كۆتره‌كان ڕێگاكه‌یان ئه‌دۆزنه‌وه‌؟

ئه‌م پرسیاره‌ تا ئێستاش زاناكانی سه‌رسام كردوه‌ .

ئه‌وان وای ئه‌بینن كه‌ به‌ یارمه‌تی خۆر ڕێگاكان ئه‌دۆزنه‌وه‌ ، له‌ به‌ر ئه‌وه‌ی شوێنی خۆر له‌ ڕۆژدا ئه‌گۆڕێت  و له‌ نیوه‌ڕۆاندا به‌ ستوونی ئه‌وه‌ستێت  له‌ ئێواراندا ئاوا ئه‌بێت  ، ئه‌ڵێن كۆتر توانایه‌كی تایبه‌تی هه‌یه‌ له‌ زانینی ئاڕاسته‌كان و ئه‌و گۆڕانكاریانه‌ی  كه‌ له‌ڕۆژدا به‌سه‌ر خۆرا یه‌ت ، هه‌موو كۆتره‌كان ئه‌و توانایه‌ یان نیه‌ ، نزیكه‌ی 289 جۆری كۆتر هه‌یه‌ كه‌ ئه‌توانن  ئه‌و ماوه‌ دورانه‌ ببڕن  له‌گه‌ڵ زانینی ئاراسته‌كاندا .

هه‌روه‌ها له‌ كۆتره‌كاندا كۆمه‌ڵێك نه‌ریتی سه‌یر هه‌یه‌ . هه‌ندێكیان به‌ لایانه‌وه‌ باشه‌ به‌ ته‌نها بژین و به‌ ته‌نها بفڕن ، هه‌ندێكیشیان به‌ كۆمه‌ڵ .

هه‌ندێك له‌ كۆتره‌كانله‌ ناو شاره‌كاندا ئه‌ژین و هه‌ندێكیان لانه‌كانیان له‌ ناو درستانه‌ چڕه‌كاندا دروست ئه‌كه‌ن . كۆتر توانایه‌كی بێ وێنه‌ی هه‌یه‌ له‌ بڕینی مه‌ودایه‌كی دوور و درێژ دا  ، كۆترێكی ( دۆقی لویلتعتون) له‌ 8ی نیسانی ساڵی 1845 دا باڵی گرته‌وه‌ له‌ ڕۆژئاوای ئه‌فریقاو دوای په‌نجا و پێنج ڕۆژ له‌ دوری 1.5 كیلۆمه‌تر له‌ نزیك ڵه‌نده‌ن كه‌وته‌ خواره‌وه‌ و مرد .

دوای ئه‌وه‌ی له‌و ماوه‌یه‌دا 11265 كیلۆمه‌تری بڕی بوو . له‌ ساڵی 1941 دا ئه‌مه‌ریكا ، كۆترێك به‌ 24 كاتژمێر 1292 كیلۆمه‌تری بڕی بوو . له‌ به‌ریتانیاش له‌ 8ی ئایاری 1965 كۆترێك به‌ 1 یه‌ك كاتژمێر 177 كیلۆمه‌تری بڕی بوو .

به‌ڕاستی مرۆڤ سه‌ری سوڕ ئه‌مێنێت له‌ دروستكراوه‌كانی خودا بۆیه‌ پێویسته‌ هه‌میشه‌ سوپاس گوزاری ئه‌و نیعمه‌ته‌ گه‌ورانه‌ی خودا بین و هه‌میشه‌ له‌ بیرمان بێت كه‌ خوایه‌ك هه‌یه‌ دروست كه‌ر و داهێنه‌ری ئه‌م دوونیا جوان و 

ڕازاوه‌یه‌ .

هیوادارم سوودی هه‌بێت:

له‌گه‌ڵ ڕێزی به‌ڕێوبه‌ری ماڵپه‌ڕ

به‌ڕێوبه‌ر                                                                                                  Ahmed YK (S.R.K2) Designer