دوو شۆخەکەی هیندستان ئاڵوگۆڕی جوانیەکەیان دەکەن

خانمە ئەکتەری دیاری بۆلیوود پریانکا چۆپرا بۆ جاری پێنجەم دەبێتە سەرنجڕاکێشترین خانمی ئاسیا.

ساڵی 2016 خانمە ئەکتەر دیپیکا پادوکون وەک جوانترین و سەرنجڕاکێشترین

خانمی ئاسیا هەڵبژێردرا، بەڵام لەساڵی 2017 بەگوێرەی راپرسیەکی گۆڤاری “Eastern eye” ی لەندەن، پریانکا چۆپرا بۆ جاری پێنجەم هەڵدەبژێردرێت وەک

سەرنجڕاکێشترین خانمی ئاسیا.

دیپیکا تەمەنی 31 ساڵە و خاوەنی جوانیەکی بێ وێنەیە و ئەکتەرێکی ناسراوی سینەمای بۆلیودە.

پێشتر کاری نمایشی کردووە و لەساڵی 2006 یەکەم کاری نواندنی لەگەڵ خانمە ئەکتەر ئایشوریا و شارۆخان بوو، بەو شێوەیە بەردەوام توانی ناوبانگێکی باش بەدەستبهێنێت و هەوادارێکی زۆر کۆبکاتەوە.

بەپێی ڕاپرسیەک لە گۆڤاری گلاف توانی نازناوی باشترین نمونەی خانم بەدەستبهێنێت و خاوەنی دوو خەڵاتی بەناوبانگی "ZF" وەک خانمە نمایشکاری ساڵ و لەهەمانکاتدا نازناوی باڵوێزی کینجیفیشەری بەدەستهێناوە.

پریانكا چۆپرا

پریانکا لە ساڵی 1982 لەدایکبووە، باوکی پزیشک بووە لە هێزی سەربازی هیندستان بەهەمان شێوە دایکیشی پزیشک بووە، بەهۆی کاری خێزانەکەشیەوە بەردەوام ناوچە و شوێنی نیشتەجێبوونی جێگیر نەبووە.

پاشان لە 13 ساڵیدا بەرەو ویلایەتە یەکگرتووەکانی ئەمەریکا دەچێت بۆ لای پوری و نیشتەجێ دەبێت، هەرچەندە بڕیاڕ دەدات ببێتە پزیشک یان ئەندازیار بەڵام بوونی بە شاجوان هەموو ژیانی دەگۆڕێت.