ته‌ندروستی تۆ !! (زیانه‌كانی خواردن له‌ شه‌واندا)

 به‌پێی توێژینه‌وه‌كانی زانكۆی كالیفۆرنیا كه‌ له‌لایه‌ن زانا و پڕۆفیسۆرانەوە ئه‌نجامدراوه‌، ده‌ركه‌وتووه‌ خواردنی شه‌وانه‌ كاریگه‌ری خراپی هه‌یه‌ بۆ سەر مۆخ و مێشک.

بەهۆی ئەوەی مشک لەڕووی ئەندام و پێکهاتەی جەستەییەوە هاوشێوەی مرۆڤە، ئه‌م توێژینه‌وه‌یه‌ بە تاقیكردنه‌وه‌ له‌سه‌ر كۆمه‌ڵێك مشك ده‌ركه‌وت، كاتێك كردیانن به‌دوو كۆمه‌ڵه‌وه‌ به‌شێكیان بۆ ماوه‌ی مانگێك خواردنیان له‌ كاتژمێر 8 شه‌وه‌وه‌ بۆ 3 شه‌و بوو، بەڵام به‌شه‌كه‌ی تر به‌پێچه‌وانه‌وه‌ له‌ 7 به‌یانی بۆ ئێواره‌ بوو، له‌گه‌ڵ ئه‌وه‌شدا وه‌ك یه‌ك ده‌خه‌وتن.

له‌دوای ئه‌م تاقیكردنه‌وانه‌ ده‌ركه‌وت نانخواردنی شه‌وانه‌ مه‌ترسیداره‌ و كاریگه‌ری بۆ مێشک هه‌یه‌، چونكه‌ زیان به‌ خه‌ویان ده‌گه‌یه‌نێت و كاتێك ده‌خه‌ون مێشكیان ناحه‌وێته‌وه‌ و له‌ كاردایه‌، هەر بۆیە کاتێک لە خەو هەڵدەستن هەست بە بێزاری و نائاسوودەییەکی زۆر دەکەن و توڕەدەبن، چونکە تەواو تێر خەو نەبوون، لەهەمانکاتدا به‌رهه‌می پرۆتینیان به‌شێوه‌یه‌كی جیاواز ده‌بێت و بیر و هزریان بێ هێز ده‌بێت.

زاناكان باس له‌وه‌ش ده‌كه‌ن خواردنی شه‌وانه‌ چالاكی له‌ش ناهێڵێت و كێشیش زیاد ده‌كات، چونكه‌ خواردنی شه‌وان كرداری هه‌رس خاو ده‌كاته‌وه‌و ده‌بێتەهۆی به‌رزكردنه‌وه‌ی په‌ستانی خوێن و خاوكردنه‌وه‌ی له‌ش و به‌رگری له‌ش كه‌م ده‌كاته‌وه‌، جگەله‌وه‌ی رێژه‌ی كۆلیسترۆڵ و چه‌وری له‌ش به‌رزده‌كاته‌وه‌ و هۆکارە بۆ زۆر نەخۆشی دیکە.

!هیوادارم سودی هه‌بێت 

 :له‌گه‌ڵ ڕێزی به‌ڕێوبه‌ر

به‌ڕێوبه‌ر                                                                                                  Ahmed YK (S.R.K2) Designer